Agmer n temseɛraq deg snat n temnaḍin: Larebɛa Nat yiraten d Tizi Ɣennif. Tasleḍt tamesɣanibt
Loading...
Date
2025
Authors
Journal Title
Journal ISSN
Volume Title
Publisher
Université Mouloud Mammeri Tizi-Ouzou
Abstract
Azwel n tezrawt-agi-nteɣ d: «Agmer n temseεraq seg snat n temnaḍin Larebεa Nat
Yiraten d Tizi Γennif. Tasleḍt tamesɣanibt d tesnalɣant », tawsit-agi n temseεraq i d-nextar
ass-agi iwakken ad tili d iswi-nteɣ agejdan, terrayaɣ-d kra ɣer deffir, ɣer umezruy, ɣer
wussan-nni n temẓi, wid-nni i aɣ-yeslemden tutlayt d tsekla-nneɣ.
Aqeddim amezwaru i d-nedda d tuffɣa-nteɣ ɣer wannar, anda i d-nesqucceḍ tiqnuẓin
seg yimawen n yimsulɣa, ama seg yiεeggalen n twaculin-nteɣ, ama d iqriben neɣ d
iberraniyen, wa nufa ɣur-s wa ulac. Nessismel akatay-nteɣ ɣef sin n yixfawen, akka:
Ixef amenzu, iwumi nsemma: « Awal ɣef temseεraq», newwi-d deg-s awal ɣef wayen
akk yesεan assaɣ d usentel-nneɣ, ama d:
- Tibadutin n temseεraq d yismawen-nsent sɣur yinagmayen.
- Tiwuriwin n temseεraq, tulmisin-nsent d yisental-nsent.
- Tignatin n tmenna n temseεraq d useḍru-nsent.
Deg yixef wis sin, nezrew ammud-nteɣ n temseεraq seg tama n uɣanib, d aḥric i wumi
nsemma: « Tasleḍt tamesɣanibt n temseεraq », anda i d-nessewzel awal ɣef tmiḍranin-agi:
Tamesɣanibt, Tasnukyest, Aɣanib, d tuggna. Nessegza-d yal tugna n uɣanib i d-nekkes seg
yal timseεraqt imi yal yiwet s unamek-is d wazal-is. Akken neẓra, ugtent tugniwin n uɣanib
deg uḍris aseklan ladɣa deg inan wezzilen, tid i d-nufa deg temseεraq: Takanit, tumnayt,
tasmiddant, tamissemt, tangissemt, tasilhut d tenmegla, tugna n wallus d leṣnaf-ines, ama seg
tama n yimesli (taseɣrit, tasergelt, tameɣrut) ama seg tama n wawal, nerna nebder-d tugniwin
nniḍen am umsadeɣ d tzengurda.
Akka i nessaweḍ ad nessemgired gar tugniwin n uɣanib, ad nissin tarrayt n tesleḍt n
uɣanib n yeḍrisen iseklanen. Akatay-nteɣ yefra, akken i iferru uɣbel, ma yella uɣbel yellan
nessaram ad yefru, wa ad yili d amedya i wayen ara t-id iḍefren seg yinadiyen i t-yecban, i
wakken ad yissin uqbayli tasekla-s, tasekla-nneɣ ilaq ad tebbaεzaq gar tsekliwin nniḍen, ɣef
way-a timseεraq ilaq ad d-ttwabedrent ɣer yal iles n uqbayli.
Description
77p.; 30cm. (+CD-Rom)
Keywords
Tasekla, Agmer n temseɛraq, Tasleḍt tamesɣanibt
Citation
Tasekla tamaziɣt d usugen