Tasleḍt n tsiwelt deg wungal « Leɣruṛ n ṭṭmeɛ » n Sadek Amirat
Loading...
Date
2024
Authors
Journal Title
Journal ISSN
Volume Title
Publisher
Université Mouloud Mammeri Tizi-Ouzou
Abstract
Ɣer taggara n tezrawt-nneɣ i d-yellan ɣef tesleḍt n tsiwelt deg ungal «Leɣruṛ n ṭṭmeɛ» n Sadek Amirat, nessaweḍ nerra-d ɣef yisteqsiyen i d-nefka deg tezwart tamatut, nesbegen-d amek i d-tusa tsiwelt deg ungal-a, syin akkin nefka-d akk iferdisen n tsiwelt i yessemres ungal akken ad isiwel taḥkayt-is.
Ma yella ɣef wayen yeɛnan turdiwin i d-nefka di tezwart tamatut; nufa-d belli nweked-d fell-asent, imi tasiwelt deg ungal-agi « Leɣruṛ n ṭṭmeɛ » tebna ɣef yiwen n umsawal i d-yellan d amsawal aniri, imi taḥkayt-agi tettmeslay-d ɣef temsalt n ṭṭmeɛ gar yimdanen dayen i nettidir di tmetti-nneɣ.
Nebḍa anadi-agi ɣef tlata n yixfawen. Di tazwara nemeslay-d ɣef tiẓri n ungal aqbayli d umezruy-is, deg yixef wis sin newwi-d awal ɣef tsiwelt d wakud-is, ma yella deg yixef wis tlata ɣef tesleḍt tasiwlant d asnas ɣef wayen yeɛnan akk tasiwelt deg ungal « Leɣruṛ n ṭṭmeɛ ».
Nefka-d amek i d-yella lebni asiwlan deg teḥkayt, tusa-d s umsawal aniri, imi d netta i yeṭṭuqten deg teḥkayt-a, imi amsawal yules-d taḥkayt n Meryem d wayen i tesɛedda mačči d taḥkayt-is i d-yules.
Ma yella nuɣal ɣer wayen yeɛnan akud n tsiwelt deg ungal-agi « Leɣruṛ n ṭṭmeɛ », nufa-d amsawal mi ara d-yettales ineḍruyen n teḥkayt, yettuɣal ɣer deffir, tettili-d tiremt n tsiwelt mbaɛd taḥkayt (ultérieure) acku tuget n yineḍruyen ɛeddan, iɛawed isawel-iten-id. Syin akkin tasiwelt yella wanda i tedda d taḥkayt (simultanée), axatar iḥekku-d deg lawan ideg d-yella, tikwal texleḍ tiremt (intercalée), acku isawel-d aneḍru iɛeddan d win i d-iteddun maca tiremt-agi ur teṭṭuqet ara deg ungal-agi.
Mi ara nɛeddi ɣer wayen yeɛnan arured n yineḍruyen, amsawal tiswiɛin mi ara d-yeḥku isgunfuy s usemres n uglam d iwenniten, maca yella wanda i yesenqas kra n yinepdruyen, d agzul i as-ixeddem, am akken daɣen i ten-itteffar, meḥsub yella-d utettu, syin nufa-d yettales-d s telqayt s usayes. D adiwenni i d-yellan gar yiwudam. Mi ara nger tamawt ɣef umḍan n tulsa n yineḍruyen deg tesnagra, nufa-d amsawal yesemres askar asuf d weskar allus.
Ɣer taggara, nefka-d amek i d-yella umseḍfer n yineḍruyen n teḥkayt « Leɣruṛ n ṭṭmeɛ » imindeg-s amsawal yettuɣal ɣer deffir, akken ad yeḥku ɣef yizri s ccfawat, neḥ ad t-id-naf yettales-d ɣef wayen i d-iḍerrun.
Ilmend n waya, d wigi akk i d-igemmaḍ uɣur nessaweḍ deg tezrawt-nneɣ nessaram ad tili d tin ara seg ad sfaydin wid ara yxedmen ɣef usentel n tsiwelt deg ungal aqbayli.
Description
59 p.; 30 cm.(+CD-Rom)
Keywords
Tasekla tamaziɣt, Ungal, Sadek Amirat
Citation
Tasekla d Usugen